Xilligii Guga sanadka 2017 wuxuu ka bilowday qaybo ka mid ah Soomaalilan intii lagu guda jirey toddobaadkii laga soo gudbay ee Maarso iyadoo qaybaha koonfureed ee Gobolka Awdal la diiwaaniyey roobab mahiigaan ah oo ku fidsanaa shan maalmood. Tani waxay keentay in degdeg looga soo kabsado cadaadiskii deegaanka biyaha ka haystay. Qaybaha kale ee dalka waxaa la filayaa in ay bilaabato helitaanka roobabkii Guga marka la gaaro bartamaha Abriil. Saadaasha roob-da’idda maanta (Khariidad 1) waxay muujinaysaa roobab fudud oo gaaraya ilaa 20mm gudaha Gobollada Koonfureed, qaybo ka tirsan Soomaaliland iyo Buuraleyda sare ee Itoobiya. Roobabka waxaa la filayaa inay ku kordhaan isla deegaannadaan ilaa dhammaadka toddobaadka sida lagu arkayo gudaha Khariidadda 2 taas oo sax uun ku ah ilaa 11 Abriil 2017. Xoogaa ama roob la’aan ay la saadaalinayaa gudaha Puntland iyo Gobollada Dhexe inta lagu guda jiro muddada la odorosay.