Roobab fudfudud ayaa lagu arkayaa inay ka sii socdaan dhawr meelood oo ku kala durdurugsa gudaha dalka oo idil intii lagu jirey dhawrkii maalmood oo dambe. Saadaasha roob-di’idda la isugeeyey ee saddexda maalmood oo soo scota waxay muujineysaa koror la filayo oo roob-di’id ah gaar ahaan gudaha gobollada Soomaaliya ee Mudug, Galguduud, Hiiraan, Bay iyo Bakool iyo Buuraleyda sare ee Itoobiya. Xaddiga roobabka waxaa la filayaa inn uu ku sii faafo bed/masaaxad ahaan iyo tiro ahaan markii toddobaadku sii socdo oo loo gudbo toddobada maalmood ee saadaasha roob-di’idda. Sidaa awgeed, heerarka webiga ayaa la filayaa inay sii kordhaan taaasoo ku keeni karta halis fatahaad bartamaha iyo dhanka hoose ee labada webi Jubba iyo Shabeelle ilaa dhammaadka toddobaadka. Daadadka ayaa sidoo kale laga yaabaa inay ka dhacaan meelaha ay saadaashu ku tilmaameyso roob-di’id badan.